Son yeniləmə: 18 Yanvar 2022 10:15
Bayraqdar.info – Yanvarın 18-də Milli Məclisin yaz sessiyasında ilk komitə iclası başlayıb. MM-in Mətbuat və ictimaiyyətlə əlaqələr şöbəsindən bayraqdar.info-ya verilən xəbərdə bildirilir ki, hazırda Parlamentin Elm və təhsil komitəsinin toplantısı keçirilir.
“Deputatlar əvvəlcə komitənin 2022-ci ilin yaz sessiyası üçün iş planını və ötən sessiyada görülən işlərin hesabatını müzakirə edəcəklər. Daha sonra isə cari məsələlər ətrafında fikir və təkliflərini söyləyəcəklər.
“Yanvarın 18-də eyni zamanda, Parlamentin Regional məsələlər komitəsinin də ilk iclası baş tutacaq. Toplantıda Milli Məclisin 2021-ci ilin payız sessiyası dövründə Regional məsələlər komitəsində görülən işlər barədə hesabat dinləniləcək, yaz sessiyası üçün iş planı müzakirə olunacaq”, – deyə xəbərdə qeyd edilib.
