Bayraqdar.info – Respublikanın bölgələrində ceyranların və Şərqi Qafqaz turlarının sayılması keçirilib. Ekologiya və Təbii Sərvətlət Nazirliyindən bildirilir ki, bu sözləri Nazirliyin Bioloji Müxtəlifliyin Qorunması Xidmətinin rəsmisi Arzu Səmədova deyib.
O qeyd edib ki, AMEA-nın Zoologiya İnstitutunun, ETSN-nin BMOX əməkdaşlarının, Ümumdünya Təbiəti Mühafizə Fondunun (WWF) Azərbaycan nümayəndəliyinin rəhbərinin iştirakı ilə Respublikanın müxtəlif bölgələrində keçirilmiş sayğıda ötən illərdən fərqli olaraq beynəlxalq ekspertlər də iştirak edib.
A.Səmədova bildirib: “Şirvan, Ağgöl, Abşeron milli parkları, Şirvan, Korçay dövlət təbiət qoruqları, Bəndovan, Qax dövlət təbiət yasaqlıqları və onlarla həmsərhəd olan ərazilərdə aparılmış saymaların nəticəsinə görə, bu ərazilər üzrə ceyran populyasiyasının sayı təxminən 7 min 413 olub”.
“A.Səmədovanın sözlərinə görə, Şərqi Qafqaz turlarının populyasiyasının sayı isə Şahdağ Milli Parkı, Zaqatala, İlisu dövlət təbiət qoruqları, Zaqatala, Qax dövlət təbiət yasaqlıqları, Şəki və Babadağ ovçuluq təsərrüfatları, eləcə də bu ərazilərlə həmsərhəd olan sahələrdə aparılmış saymaların nəticəsinə görə təxminən 6 min 563 müəyyən edilib”.
