Bayraqdar.info – Azərbaycan Rəssamalr İttifaqının üzvü Rəsmiyyə Mahmudovanın “Rənglərdəki İzlər” adlı ilk fərdi yaradıcılıq sərgisi keçirilib.
Bu barədə bayraqdar.info-ya Azərkitab – Kitab Mərkəzində keçirilən tədbirini təşkiltaçısı Elnurə İsgəndərova məlumat verib.
Onun sözlərinə görə, ADPU-nun nəzdində Pedaqoji Kollecin və ADRA-nın nəzdində İncəsənət Kollecinin müəllimi olan R.Mahmudovanın fərdi yaradıcılıq sərgisində onun 22 tələbəsinin də əl işləri sərgilənib. Şuşa ilinə həsr olunmuş sərginin açılışında öncə şəhidlərimizin əziz xatirəsi bir dəqiqəlik sükutla yad edilib.
Sonra çıxış edən layihə rəhbəri E.İsgəndərova sərginin mahiyyəti haqqında qonaqlara ətraflı məlumat verib. O, çıxışında sərgidə təqdim edilən R.Mahmudovanın 100 ədəd kötük üzərində və yağlı boya, kətan üzərində Şuşaya həsr etdiyi müxtəlif mövzulu əsərlərindən, həmçinin 22 tələbənin 44 günlük Vətən müharibəsindən sonra qazanılmış şanlı zəfərimizə həsr etdikləri 44 kətan və yağlı boya ilə çəkilmiş rəsm əsərlərindən, gələcək həyatlarında ilk fərdi yaradıcılıq sərgisinin önəmindən bəhs edib.
Tədbirdə çıxış edən millət vəkili Vüqar İsgəndərov R.Mahmudovanın yaradıcılığının tamamilə fərqli bir texnikada olduğunu, amma milliliyi tərənnüm etdiyini bildirib. O, gənc tələbələrin müəllimləri ilə bərabər ilk fərdi yaradıcılıq sərgisinə qoşulmalarını yüksək qiymətləndirib.
Daha sonra vətən müharibəsi qaziləri Zakir İmanov, Tehran Mahmudov, rəssam, müəllimə Təranə Mahmudova, “Elif” tədris mərkəzinin rəhbəri Minə Əhmədova, “Qalera” Sənət Mərkəzinin direktoru Mansur Əsgərli, “Fred” Sport Klubunun direktoru dünya və Avropa çempionu Azər Məhərrəmov və başqaları çıxış edərək sərgi haqqında təəssüratlaırnı bölüşüblər.
Çıxışlardan sonra Azərbaycanın məşhur kaman ustası Şəhriyar Musayev əsrarəngiz ifası ilə sərgi iştirakçılarını valeh edib. Eyni zamanda, “Elif” tədris mərkəzinin rəqs müəllimi Leyla Aslanovanın tələbələrinin təqdim etdikləri rəqslər tədbirə əlavə rəng qatıb.
Sonda R.Mahmudova və 22 tələbəsi xüsusi plaketlərlə , vətən müharibəsi qaziləri Zakir İmanov vəTehran Mahmudov isə Türkiyənin “İyilik Üretenler” dərnəyi tərəfindən “Kahraman Gazimiz” yüksek onur belgesi ilə təltif olunublar.
