Bayraqdar.info – Azərbaycanda professor, elmlər doktoru, dosent və fəlsəfə doktorlarına ödənilən əlavələr artırılıb.
Baş nazir Əli Əsədov bununla bağlı “Büdcədən maliyyələşdirilən müəssisə, idarə və təşkilatlarda tədris məşğələlərinin aparılmasına cəlb edilən işçilərin əməyinin saathesabı ödənilməsi məbləğləri”ndə dəyişiklik edilməsi barədə qərar imzalayıb. Bayraqdar.info xəbər verir ki, məlumatı yanvarın 17-də Nazirlər Kabinetinin Mətbuat xidməti yayıb.
Büdcədən maliyyələşdirilən müəssisə, idarə və təşkilatlarda tədris məşğələlərinin aparılmasına cəlb edilən işçilərin əməyinin saathesabı ödənilməsi məbləğləri
| (manatla) | |||
| Təhsil alan kontingent | Pedaqoji işçilər | ||
| professor və ya elmlər doktoru | dosent və ya fəlsəfə doktoru | elmi dərəcəsi, elmi adı olmayan
şəxslər |
|
| Bütün tipdən olan ümumtəhsil və peşə məktəblərinin, gimnaziya, lisey və digər təlim-tərbiyə ocaqlarının, orta ixtisas məktəblərinin, bunlara bərabər tutulan digər təhsil müəssisələrinin uşaqları, şagirdləri, tələbələri, orta ixtisas təhsilli mütəxəssislərin ixtisasartırma kurs-
larının dinləyiciləri, fəhlələr |
12,40 | 8,20 | 6,40 |
| Xüsusi təyinatlı (hərbi, dövlət təhlü-
kəsizliyi və s.) təhsil müəssisələrinin tələbələri, kursantları və dinləyiciləri |
14,70 | 10,70 | 7,20 |
| Doktorantlar, ali təhsilli rəhbər işçilərin və mütəxəssislərin ixtisas- artırma kurslarının dinləyiciləri | 17,70 | 12,40 | 8,20 |
Məlumatda bildirilir ki, bu qərar 2022-ci il yanvarın 1-dən tətbiq edilir. Məlumatda o da qeyd edilir ki, əməyin saat hesabı ödənilməsi məbləğlərinə məzuniyyət haqqı daxil edilir.
“Müsabiqə və baxışların münsiflər heyəti üzvlərinin və müsabiqəyə təqdim edilən işlərin resenzentlərinin əməyinin saathesabı ödənilməsi məbləğləri professor və ya elmlər doktoru üçün 14,70 manat, dosent və ya fəlsəfə doktoru üçün 10,70 manat, elmi dərəcəsi, elmi adı olmayan şəxslər üçün 7,20 manat məbləğində müəyyənləşdirilir.
“Tədris məşğələlərinin aparılmasında iştirak edən plastik poza nümayişçilərinin (naturaçıların) əməyinin saathesabı ödənilməsi bir akademik saata görə geyimli naturada 9,40 manat, geyimsiz naturada isə 15,50 manat məbləğində müəyyən olunur. Əməyin saathesabı ödənilməsi məbləğləri mülki hüquqi müqavilə əsasında işləyən şəxslərə şamil edilir.
“Eyni zamanda, Baş nazirin qərarı ilə məktəb direktorlarının, müavinlərin və müəllimlərin də əməhaqqında artım olub.
“Qərara əsasən, müəllimlərin bilik və bacarıqlarının diaqnostik qiymətləndirilməsi aparılan dövlət ümumi təhsil müəssisələrinin direktorlarının aylıq vəzifə maaşı 799 manat, direktorun müavinlərinin aylıq vəzifə maaşı 719 manat müəyyənləşib.
“Qərarla “Dövlət ümumi təhsil müəssisələrində çalışan bilik və bacarıqlarının diaqnostik qiymətləndirilməsi aparılan müəllimlərin aylıq vəzifə maaşlarının sxemi” də yeni redaksiyada təsdiq edilib”, – deyə məlumatda bildirilir.
Dövlət ümumi təhsil müəssisələrində çalışan bilik və bacarıqlarının diaqnostik qiymətləndirilməsi aparılan müəllimlərin aylıq vəzifə maaşlarının sxemi
| Sıra
№-si |
Təhsili | Bir stavka dərs yükü 18 saat olmaqla, aylıq vəzifə maaşı (manatla) | ||||
| pedaqoji staj 3 ilə qədər olduqda | pedaqoji staj 3
ildən 8 ilə qədər olduqda |
pedaqoji staj 8
ildən 13 ilə qədər olduqda |
pedaqoji staj 13
ildən 18 ilə qədər olduqda |
pedaqoji staj 18 ildən çox olduqda | ||
| 1. | Ali təhsilli | 552 | 594 | 624 | 666 | 714 |
| 2. | Orta ixtisas təhsilli | 504 | 534 | 552 | 588 | 636 |
Qərara əsasən, “Dövlət ümumi təhsil müəssisələrində çalışan bilik və bacarıqlarının diaqnostik qiymətləndirilməsi aparılan, gənclərin çağırışaqədərki hazırlığı rəhbərlərinin aylıq vəzifə maaşlarının sxemi” yeni redaksiyada təsdiq edilib.
Dövlət ümumi təhsil müəssisələrində çalışan bilik və bacarıqlarının diaqnostik qiymətləndirilməsi aparılan, gənclərin çağırışaqədərki hazırlığı rəhbərlərinin aylıq vəzifə maaşlarının sxemi
| Sıra
№-si |
Təhsilin pillələri və pedaqoji staja qoyulan tələblər | Aylıq vəzifə maaşı (manatla) |
| 1. | Xüsusi hazırlıq keçmiş, tam orta təhsilli, pedaqoji stajı ən azı 5 ilə qədər | 434 |
| 2. | Xüsusi hazırlıq keçmiş, tam orta təhsilli, pedaqoji stajı 5 ildən çox; orta ixtisas təhsilli, pedaqoji stajı 5 ilə qədər | 448 |
| 3. | Orta ixtisas təhsilli, pedaqoji stajı 5 ildən 10 ilədək; orta hərbi təhsilli və ya ali təhsilli,
pedaqoji stajı hər iki halda 5 ilə qədər |
462 |
| 4. | Ali təhsilli, pedaqoji stajı 5 ildən çox; orta ixtisas təhsilli, pedaqoji stajı 10 ildən çox; orta hərbi təhsilli, pedaqoji stajı 5 ildən çox;
ali hərbi təhsilli, pedaqoji staja tələb qoyulmadan |
490 |
