Bayraqdar.info – Əmək və Əhalinin Sosial Müdafiəsi Nazirliyinin tabeliyindəki Dövlət Məşğulluq Agentliyi tərəfindən peşə hazırlığı sisteminin inkişaf etdirilməsi istiqamətində mühüm addımalr atılır. Məhz bu istiqamətdə həyata keçirilən tədbirləri çərçivəsində beynəlxalq sertifikatlara uyğun mütəxəssislərin hazırlanması həyata keçiriləcək.
Bu barədə bayraqdar.info-ya yanvarın 17-də ƏƏSMN-dən məlumat verilib.
Bildirilib ki, 2021-ci ildə Agentliyin Bakı Peşə Hazırlığı Mərkəzinə beynəlxalq ISO sertifikatları təqdim edilib. Ölkəmizdəilk ISO sertifikatlı peşə hazırlığı müəssisəsi olan Mərkəz fəaliyyətində ISO 9001 (Keyfiyyət idarəetmə sistemi), ISO 14001 (ətraf mühitin idarə olunması və qorunması sistemi), ISO 45001 (əməyin təhlükəsizliyi sistemi) standartlarının tələblərini də təmin edəcək.
Qeyd edək ki, Agentik tərəfindən hazırda 127 prioritet istiqamət üzrə peşə hazırlığı həyata keçirilir. Ötən il qurum1000-dək şəxsi peşə hazırlığı kurslarına cəlb edib. Kurs müddətində işsiz şəxslərə minimum aylıq əmək haqqı məbləğində təqaüd də ödənilir.
