Son yeniləmə: 13 Yanvar 2022
Bayraqdar.info – Kuzey Kıbrıs Türk Cümhuriyyətinin Cümhurbaşqanı Ersin Tatar Türkiyə Cümhurbaşqanı Recep Tayyip Erdoğanın çıxışından məmnun olduğunu deyib.
Bu barədə bayraqdar.info-ya KKTC Cümhurbaşqanlığından məlumat verilib.
Xatırladaq ki, R.T.Erdoğan yanvarın 13-də Avropa Birliyinə üzv ölkələrin səfirləri ilə görüşdə bır sıra önəmli açıqlamalar verib. Həmin çıxışında R.T.Erdoğan Türkiyənin Kıbrıs məsələsində möveyinin qəti və dəyişməz olduğunu da bildirib: “Kıbrıs probleminin həllinə dair 50 ilə yaxın bir müddətdir davam edən müzakirələrin niyə nəticəsiz qalmasının səbəbi hamımıza məlumdur. Rumlar özlərini adanın tək sahibi olaraq görən, Kıbrıs türklərini yox sayan zehniyyətdən qurtula bilməyiblər”.
Türkiyə Cümhurbaşqanı AB üzvü olan ökələrin kor-koranə şəkildə rum tərəfinin sözçülüyünü etdiyini, eyni coğrafiyanın ayrılmaz bir parçası olan Kıbrıs türklərinin haqq və hüququnu isə görməzdən gəldiyini deyib: “Avrupa Birliyi acısından artıq səmimi bir hesabat vaxtıdır. Əgər Avropa Birliyi problemin həllinə gercəkdən də yardım etmək istəyirsə o zaman 2004-cü ildə üzərinə götürdüyü öhdəliklərə əməl edərək, Kıbrıs türklərinin varlığını və iradəsini tanımalı, Cenevrədə irəli sürülən həll varinatını dəyərləndirməlidir. Əks addım isə yenidən baş qatmaq, vaxt və enerji itkisindən başqa bir anlam ifadə etməyəcək”.
Türkiyə Cümhurbaşqanının bu fikirlərini yüksək dəyərləndirən E.Tatar suveren və bərabərhüquqlu iki dövlətin əməkdaşlığına əsaslanan siyasətin Türkiyə ilə birlikdə davam etdiriləcəyini bildirib. KKTC Cümhurbaşqanı Türkiyənin dəstəyi ilə Kıbrıs türk xalqının bölgədəki haqq və hüquqlarına sahib çıxmağa davam edəcəklərini deyib: “Kıbrıs Türk xalqının suveren bərabərliyinin və bərabər beynəlxalq statusunun qeydə alınması problemin həllinə yol açacaq”.
