Son yeniləmə: 13 Yanvar 2022 13:42
Bayraqdar.info – Türkiyə Xarici İşlər Nazirliyi Kuzey Kıbrıs Türk Cümhuriyyətinin qurucu Cümhurbaşqanı Rauf Denktaşın vəfatının 10-cu ildönümü ilə əlaqədar anım mesajı yayıb.
Anadolu Ajansının məlumatına görə, mesajda R.Denktaşın sayğı və rəhmətlə anıldığı bildirilib.
Mesajda daha sonra deyilir: “Mərhum Rauf Denktaşın Kıbrıs türklərinin azadlığı, yaşaması və təhlükəsizliyi üçün Ana Vətən Türkiyə ilə könül və fikir birliyi içərisində mübarizəyə verdiyi misilsiz töhfələr və güclü liderliyi hər zaman yaddaşlarımızda qalacaq”.
Bundan əlavə, mesajda vurğulanıb ki, Türkiyə öz tarixi və mənəvi məsuliyyətini dərk edərək, Kıbrıs türk xalqının suveren bərabərliyi və bərabər beynəlxalq statusunun qeydə alınması uğrunda əzmkar mübarizəsinə hərtərəfli dəstək verməyə davam edəcək.
