Müdafiə naziri Rusiya sülhməramlılarının yeni komandanını qəbul edib

Yazar: Sevda Əskər. Tarix: 12 Yanvar 2022 14:20

Zakir Həsənov və Andrey Volkov

Bayraqdar.info – Azərbaycan Müdafiə naziri general-polkovnik Zakir Həsənov yanvarın 12-də Azərbaycan ərazisində müvəqqəti yerləşdirilən Rusiya sülhməramlı qüvvələrinin yeni komandanı general-mayor Andrey Volkovu qəbul edib.

Müdafiə Nazirliyindən bayraqdar.info-ya verilən məlumatda bildirilir ki, görüşdə Rusiya sülhməramlılarının müvəqqəti yerləşdirildiyi Qarabağ iqtisadi zonasındakı əməliyyat şəraiti müzakirə olunub.

“Qeyd edək ki, general-mayor A.Volkovu general-leytenant Rüstəm Muradov təqdim edib”, – deyə Nazirliyin məlumatında bildirilir.

Bölmə: XƏBƏRLƏR

Sevda Əskər

Bu yazarımız 7 may 2022-ci il tarixindən bayraqdar.info-dan ayrılıb. Bayraqdar.info-nun redaktoru Sevda Əskər Şirvan (keçmiş Əli-Bayramlı) şəhərində anadan olub. 1997-ci ildə Azərbaycan Dövlət Pedaqoji Universitetinin Filologiya Fakültəsini bitirib (qiyabi). 1993-cü ildən Neftçala rayonunun Xolqaraqaşlı, 1995-ci ildən isə Kürqarabucaq kənd məktəbində müəllim kimi çalışıb. 1996-cı ildən Bakıda “Kirpi” jurnalı, “Hürriyyət”, “Bu gün”, Şərq”, “Reytinq”, “Vətəndaş Həmrəyliyi”, “Olaylar”, “Assa İrada” İA, “Səs”, “Millətçilik”, “Qazilər”, ATV, Qubada fəaliyyət göstərən “Qafqaz” TV kimi media qurumlarında çalışıb. Yazıları Moskvada “Millətin səsi” qəzetində, Türkiyənin “Ocaq” və “CanAz” saytlarında dərc edilib. Eyni zamanda bir neçə QHT-də ekspert kimi çalışıb. 2011-ci ildə hazırladığı “İçərişəhərin əkiz tayı Lahıc” yazısı Prezident Kitabxanasında saxlanılır. Bu illər ərzində bir sıra beynəlxalq və yerli təşkilatdan mükafatlar alıb. JuHİ və CASCFEN-in üzvüdür. İngilis dili və psixologiya kurslarını bitirib. sevda@bayraqdar.info

Yazarın başqa yazıları: Sevda Əskər