Bayraqdar.info – Azərbaycanın İrandakı səfiri Əli Əlizadə İran İslam Respublikasının ədliyyə naziri Əmin Hüseyin Rəhimi ilə görüşüb.
Ədliyyə Naziriyindən yanvarın 12-də bayraqdar.info-ya verilən məlumatda bildirilir ki, görüşdə Azərbaycanın və İranın dövlət başçılarının əlaqələrə verdiyi xüsusi önəm vurğulanıb. Söhbət zamanı hər iki ölkənin dost və yaxın qonşu olaraq ikitərəfli və beynəlxalq təşkilatlar çərçivəsində əməkdaşlığının daha da artırılmasının önəmi qeyd edilib. Həmçinin, məhkəmə və ədliyyə sahəsində görülən işlərdən, iki ölkənin ədliyyə nazirlikləri arasında mövcud olan səmərəli münasibətlərdən, hər iki ölkədə penitensiar sistemin təkmilləşdirilməsi üzrə həyata keçirilən layihələrdən söhbət açılıb.
“Görüşdə iki ölkənin ədliyyə orqanları arasında qarşılıqlı fəaliyyətin genişləndirilməsi, hüquqi məsələlərin həllində səylərin daha da artırılması məsələləri müzakirə edilib. Eləcə də məhkumların verilməsi, səfərlərin həyata keçirilməsinin və görüşlərin davam etdirilməsi, hüquqi yardım və digər məsələlər ətrafında fikir mübadiləsi aparılıb”. Məlumatda belə deyilir.
