Son yeniləmə: 11 Yanvar 2022 13:39
Bayraqdar.info – Təhsil Nazirliyi tərəfindən vətəndaşlara göstərilən xidmətin keyfiyyətinin yüksəldilməsi, əlçatanlığın təmin edilməsi məqsədilə Nazirliyin rəsmi internet səhifəsində yeni xidmətlər bölməsi istifadəyə verilib.
Nazirlikdən bayraqdar.info-ya verilən xəbərdə bildirilir ki, yeni bölmədə vətəndaşlar Nazirlik tərəfindən təqdim olunan bütün elektron xidmətlər barədə məlumat əldə edə və xidmətlərdən istifadəyə dair videotəlimatlarla tanış ola bilərlər. Beləliklə, elektron resurslardan istifadə vətəndaşlar üçün vahid platforma üzərindən olmaqla yanaşı, xidmətin hazırda icra statusu barədə də məlumat əldə edilməsində faydalı olacaq.
Nazirlik tərəfindən təqdim olunan xidmətlərlə tanış olmaq üçün bu keçiddən istifadə etmək olar.
