Son yeniləmə: 11 Yanvar 2022 10:18
Bayraqdar.info – Kuzey Kıbrıs Türk Cümhuriyyətinin Doruk Vəqfi “Liderlərimiz” adlı foto sərgi təşkil edir. Foto sərgi Kıbrıs türklərinin azadlıq mübarizəsi lideri mərhum Dr. Fazıl Küçükün və KKTC-nin mərhum qurucu Cümhurbaşqanı Rauf R. Denktaşın vəfatlarının ildönümü münasibətilə təşkil ediləcək.
Bu barədə Kibris Gazetesi məlumat yayıb.
Məlumatda deyilir ki, Doruk Vəqfi Qəyyumlar Şurasının sədri Doruk Hastunç bununla bağlı yazılı açıqlama yayıb. Açıqlamada qeyd edilib ki, Vəqf öz ənənəsinə sadiq qalaraq bu il də sözügedən sərgini təşkil edir.
Sərginin rəsmi açılış mərasimi yanvarın 11-də saat 18.00-da 2. Səlim prospekti № 47 Ledra Palas –Lefkoşa ünvanında yerləşən Vəqf Mərkəzində olacaq.
Açıqlamada “Liderlərimiz” adlı sərgidə liderlərin həyat və mübarizə illərini əks etdirən fotoların sərgilənəcəyi qeyd edilib. Pandemiya səbəbi ilə iştirakçıların sayının 60 nəfərlə məhdudlaşdırıldığı bildirilib. Həmin iştirakçılar da mütləq antigen test verməlidilər.
Açıqlamada o da qeyd olunub ki, sərgi 16 yanvar bazar günü istisna olmaqla, 17 yanvar bazar ertəsi də daxil olmaqla, hər gün saat 14.00-18.00 arası ziyarətçilərin üzünə açıq olacaq.
