Bayraqdar.info – “Azad İran” Telegram kanalı xəbər verir ki, son günlər bir qrup azərbaycanlı milli fəal Ərdəbil parklarından birində iqtisadi durumun faciəvi həddə çatmasına, qiymətlərin həddən artıq bahalaşmasına və türklərə qarşı artan kəskin basqılara etiraz olaraq pankart quraşdırıb.
“Korrupsioner və anti-türk rejim tərəfindən amansızcasına qiymət artımı Azərbaycan xalqının bütün təbəqələrini, xüsusən də fəhlələr və yardıma möhtac insanları ağır maliyyə və sosial təzyiqlərə məruz qoyub.
Azərbaycan Milli Hərəkatı – Ərdəbil”
Bu, azərbaycanlı milli fəallar tərəfindən Ərdəbil parklarından birində quraşdırılan etiraz pankartının mətninin məzmunudur.
Qeyd edək ki, son bir ildə İranda xərclərin astronomik şəkildə artması və onun gəlirlərə nisbətdə uyğunsuzluğu insanları böyük təzyiq və çətinliklərlə üz-üzə qoyub. İranın mərkəzi hökumətinin Güney Azərbaycanda biznesə, iş yerlərinə və ticarət sahələrinə birbaşa və dolayısı ilə ağır vergilər qoyması türkləri ikiqat təzyiqlərə məruz qoyub.
