Son yeniləmə: 6 Yanvar 2022 12:54
Bayraqdar.info – Təhsil Nazirliyinin SABAH qruplarında 2021-2022-ci tədris ilinin yaz semestrində müxtəlif fənlərin tədrisini aparmaq məqsədilə professor-müəllim heyəti və mütəxəssislərin işə qəbulu ilə əlaqədar müraciətlərin qəbulu davam edir.
Təhsil Nazirliyindən yanvarın 6-da bayraqdar.info-ya verilən xəbərdə bildirilir ki, namizədlər 16 yanvar saat 00:00-dək müraciət edə bilərlər. Müsabiqədə magistr dərəcəsi, yüksək səviyyədə İKT və sahə bilikləri olan, innovativ tədris metodlarından istifadə edə bilən, eyni zamanda müasir pedaqoji yanaşmalara malik, dinamik, pozitiv və ünsiyyətcil namizədlər iştirak edə bilərlər. Hər bir namizəd ən çox 2 fənn üzrə müraciət edə bilər.
