AMEA-nın qış imtahan sessiyasının vaxtı bilindi

Yazar: Sevda Əskər. Tarix: 5 Yanvar 2022 18:21

AMEA

Bayraqdar.info – AMEA-da qış imtahan sessiyası yanvarın 5-dən fevralın 2-dək keçiriləcək.

Bu barədə yanvareın 5-də bayraqdar.info-ya AMEA-dan məlumat verilib. Bildirilib ki, Akademiyanın magistrantlarının xarici dil (ingilis dili) fənni üzrə imtahanının altı qrup üzrə yanvarın 11-də keçirilməsi planlaşdırılır. Müəyyən olunmuş qrafikə əsasən imtahanlar AMEA-nın magistratura təhsilini həyata keçirən 23 elmi müəssisəsində təşkil ediləcək. Qış imtahan sessiyasının nəticələrinə görə təqaüd almaq hüququ olan magistrantların siyahısı fevralın 15-dək müəyyən ediləcək.

Bölmə: TƏHSİL

amea

Sevda Əskər

Bu yazarımız 7 may 2022-ci il tarixindən bayraqdar.info-dan ayrılıb. Bayraqdar.info-nun redaktoru Sevda Əskər Şirvan (keçmiş Əli-Bayramlı) şəhərində anadan olub. 1997-ci ildə Azərbaycan Dövlət Pedaqoji Universitetinin Filologiya Fakültəsini bitirib (qiyabi). 1993-cü ildən Neftçala rayonunun Xolqaraqaşlı, 1995-ci ildən isə Kürqarabucaq kənd məktəbində müəllim kimi çalışıb. 1996-cı ildən Bakıda “Kirpi” jurnalı, “Hürriyyət”, “Bu gün”, Şərq”, “Reytinq”, “Vətəndaş Həmrəyliyi”, “Olaylar”, “Assa İrada” İA, “Səs”, “Millətçilik”, “Qazilər”, ATV, Qubada fəaliyyət göstərən “Qafqaz” TV kimi media qurumlarında çalışıb. Yazıları Moskvada “Millətin səsi” qəzetində, Türkiyənin “Ocaq” və “CanAz” saytlarında dərc edilib. Eyni zamanda bir neçə QHT-də ekspert kimi çalışıb. 2011-ci ildə hazırladığı “İçərişəhərin əkiz tayı Lahıc” yazısı Prezident Kitabxanasında saxlanılır. Bu illər ərzində bir sıra beynəlxalq və yerli təşkilatdan mükafatlar alıb. JuHİ və CASCFEN-in üzvüdür. İngilis dili və psixologiya kurslarını bitirib. sevda@bayraqdar.info

Yazarın başqa yazıları: Sevda Əskər