Bayraqdar.info – Türkiyənin tanınmış yazarlarından olan Kürşad Zorlu 29 dekabr tarixli köşə yazısında türk dünyasındakı gəlişmələrlə bağlı maraqlı məqamalara toxunub. Türkiyənin xarici işlər naziri Mevlüt Çavuşoğlu ilə söhbəti əsasında yazdığı köşədə o, KKTC-nin tanınması üçün atılması gözlənilən addımdan bəhs edib.
Nazirin dediyindən belə bəlli olub ki, Kuzey Kıbrıs Türk Cümhuriyyətinin Türk Dövlətləri Təşkilatına müşahidəçi üzv kimi qəbulu prosesi başlayır.
KKTC mediasının məlumatına əsasən nazir M.Çavuşoğlu prosesin necə işləyəcəyini açıqlayıb. Belə ki, KKTC hazırda Türk Dövlətləri Təşkilatına sədrlik edən Türkiyəyə quruma müşahidəçi üzvlük statusu ilə bağlı müraciət edəcək. Daha sonra Ankara sözügedən məktubu üzv dövlətlərə göndərərək prosesi başlayacaq.
Növbəti Zirvə toplantısında sözügedən tələb, ölkələrin razılığı əsasında bir qərarla KKTC-yə müşahidəçi statusun verilməsi ilə yekunlaşacaq.
Beləliklə, KKTC-ni gücləndirəcək bu addımla bütün müstəqil türk dövlətləri bir masa ətrafında toplanacaq. KKTC-nin Türk Dövlətləri Təşkilatının investisiya fondu və azad ticarət zonaları kimi iqtisadi layihələrində iştirakına da yol açılacaq. Tanınma məsələsinə gəlincə, nazir M.Çavuşoğlu bildirib ki, bu, hər bir ölkənin öz qərarıdır. Lakin bu addımla ciddi motivasiya və vaxt qazanılacaq.
