Son yeniləmə: 28 Dekabr 2021 09:23
Bayraqdar.info – Varşavada blits və rapid üzrə dünya çempionatı başlayıb.
Azərbaycan Şahmat Federasiyasından bayraqdar.info-ya verilən xəbərdə bildirilir ki, çempionatda dünyanın 250-dən çox ən güclü şahmatçıları iştirak edirlər.rapid yarışının ikinci günündə qadın şahmatçılar 5-8-ci, kişilər isə 6-9-cu turlarda mübarizə aparıblar. Təmsilçilərdən ən yüksək nəticəni Gülnar Məmmədova göstərib. Səkkiz turdan 6 xal toplayan şahmatçı liderdən yarım xal geri qalaraq 2-7-ci yerləri bölüşür. Xanım Balacayeva 5, Türkan Məmmədyarova, Zeynəb Məmmədyarova 4,5, Gövhər Beydullayeva 4 xal toplayıblar.
Kişilərin yarışında isə şahmatçı Şəhriyar Məmmədyarov 9 turdan 5,5 topalyaraq 33-cü sırada qərarlaşıb. Məhəmməd Muradlı, Aydın Süleymanlı və Xəzər Babazadə hərəyə 5 xal, Rauf Məmmədov, Vasif Durarbəyli isə 3,5 xal əldə ediblər. Federasiyadan bildirilir ki, dekabrın 30-dək davam edəcək dünya çempionatının mükafat fondu 1 milyon ABŞ dolları təşkil edir.
