Bayraqdar.info – Dekabrın 21-də qardaş Qırğızıstanın Prezidenti Sadır Caparov Beynəlxalq Türk Akademiyasının prezidenti Darxan Kıdıralini qəbul edib.
Bu haqda xəbəri bayraqdar.info-ya Qırğızıstan Prezidentinin Administrasiyasından veriblər.
Görüş zamanı tərəflər türk xalqlarının mədəni və mənəvi dəyərlərinin qorunması və möhkəmləndirilməsi, bu istiqamətdə bundan sonra da sıx iş birliyinin vacibliyi ilə bağlı fikir mübadiləsi ediblər.
Söhbət əsnasında S.Caparov BTA-nın yerləşdiyi Qazaxıstanla Qırğızıstan xalqları arasındakı çoxəsrlik dostluq münasibətlərini də qeyd edib. O, qırğız xalqının bu yöndəki ənənələrinin davam etdirilməsinə hazır olduqlarını da sözlərinə əlavə edib. Prezident D.Kıdıralinin qeyd olunan məsələlərlə bağlı fəaliyyətini də təqdir etdiyini dilə gətirib.
D.Kıdırali də öz növbəsində münasibətlərdən məmnunluğunu qeyd edib. O, əlavə edib ki, tanınmış qırğız dövlət adamı Cusup Abdrahmanovun 120 illik yubiley ilində BTA “Cusup Abdrahmanov İli” elan edib. O, deyib ki, BTA 2022-ci ili də daha bir tanınmış qırğız xadimi, maarifçi-alim İşenalı Arabayeva həsr etməyi planlaşdırır.
