Son yeniləmə: 22 Dekabr 2021 16:45
Bayraqdar.info – Gəncə Peşə Hazırlığı Mərkəzində “Mühafizəçi” və “Ofisiant” peşələri üzrə hazırlıq kurslarına başlanıb. Kurslar Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyi tərəfindən təşkil edilir.
Agentlikdən bayraqdar.info-ya dekabrın 22-də verilən məlumata görə, kurslar 6 saylı Ərazi məşğulluq filialı ilə “İmperial” restoranlar şəbəkəsi və “Vətən-N Mühafizə Xidməti” MMC şirkəti arasında imzalanan müqaviləyə əsasən təşkil edilir. Bu kurslara ümumilikdə 24 işsiz şəxs cəlb edilib. Peşə kursunun müddəti 1 aydır.
Peşəkar mütəxəssislər tərəfindən müdavimlərə nəzəri biliklərlə yanaşı, istehsalat təcrübəsi zamanı praktiki bilik və bacarıqlar da tədris olunacaq.
Peşə hazırlığı kursunu müvəffəqiyyətlə bitirən şəxslər müvafiq olaraq işlə təmin olunacaqlar.
