Son yeniləmə: 22 Dekabr 2021 15:36
Bayraqdar.info – “Auction Baku” MMC şirkətinin təşkilatçılığı ilə 2022-ci il yanvarın 10-da Azərbaycanda incəsənət əsərlərinin onlayn auksionu keçiriləcək.
Dövlət Rəsm Qalereyasından bayraqdar.info-ya bildirlib ki, növbəti auksion Respublikada mədəniyyət və incəsənət sahəsində biznes münasibətlərini yaratmaq, alıcı və satıcılar arasında əlaqə qurmaq məqsədi daşıyır. Hımçinin, bu auksion art biznes sahəsində rəqabət qabiliyyətliliyini gücləndirmək, ölkənin iqtisadi inkişafında yaradıcı sənayesinin rolunu artırmaq məqsədilə həyata keçiriləcək.
“Tədbir COVID-19 pandemiyasından sonra ölkədə təşkil ediləcək ilk onlayn auksion olacaq. Rəsm Qalereyası auksionun təşkilinə metodiki dəstək göstərir. Hərracda iştirak etmək istəyən şəxslər “Auction Baku” MMC-nin sosial şəbəkədəki hesablarını izləyə bilərlər”, – deyə xəbərdə bildirilir.
