Bayraqdar.info – Nəsirəddin Tusi adına Şamaxı Astrofizika Rəsədxanası 2021-ci ildə fəsillərin Azərbaycana daxilolma vaxtlarını açıqlayıb.
Rəsədxanadan bayraqdar.info-ya bildirilib ki, qış fəsli Azərbaycana dekabrın 21-i saat 19:59–da qədəm qoyacaq.
Bildirilib ki, bu zaman Yerin fırlanma oxu Günəş istiqaməti ilə ən böyük bucaq əmələ gətirir və ya Günəş üfüqdən minimum hündürlükdə (26⁰.2) olur. Həmin gün ən qısa gündüz və ən uzun gecə müşahidə olunur. Gündüzün uzunluğu 9 saat 17 dəqiqə 22 saniyə, gecənin uzunluğu isə 14 saat 42 dəqiqə 38 saniyə olacaq.
