Bayraqdar.info – Kuzey Kıbrıs Türk Cümhuriyyətinin rəsmi media qurumu olan Bayrak Radio Televiziya Qurumunun (BRTK) 58 yaşı olur. 25 dekabr 1963-cü ildə qurulan BRTK 58-ci ildönümünü tədbirlərlə qeyd edir.
Bu barədə quruma məxsus olan brtk.net saytı məlumat yayıb.
Məlumatda deyilir ki, 58 ildönümü tədbirləri çərçivəsində dekabrın 20-də saat 20.00-da BRT-də KKTC-nin sevilən sənətçilərinin iştirakı ilə yubiley konserti keçirilib.
Dekabrın 22-də isə proyeksiya sərgisi də həyata keçiriləcək. Rəssam Ayhutun Ateş, Eser Keçeci Malyalı və Ruhiye Onurelin əsərlərinin nümayiş olunacağı sərginin açılışı 22 dekabr saat 18.30-da Rüstəm Kitab Evində Cümhurbaşqanı Ersin Tatar tərəfindən keçiriləcək.
Bayram tədbirləri çərçivəsində Lefkoşa Poçt şöbəsi qarşısındakı “BRT Radio içimizdə” proqramı 23 dekabr cümə axşamı saat 10:00-da Bayrak Radiosunda canlı yayımlanacaq.
Cümə günü, dekabrın 24-ü, saat 11:00-da BRTK-nın nəşriyyat-tarixi muzeyində pandemiya qaydaları çərçivəsində rəsmi qəbul keçiriləcək.
BRTK-nin 58-ci ildönümü ilə bağlı digər tədbirlər də nəzərdə tutulub.
Eyni zamanda BRTK-nn müdiri Meryem Özkurt 58-ci ildönümü müansibətilə dövlət və hökumət rəsmiləri, o cümləədn partiya rəhbərləri ilə görüşlər keçirir.
