Son yeniləmə: 15 Dekabr 2021 09:59
Bayraqdar.info – Respublika fənn olimpiadalarında iştirak üçün elektron qeydiyyat prosesi davam edir. Qeydiyyat prosesi 20 dekabr tarixində yekunlaşacaq.
Təhsil Nazirliyindən bayraqqdar.info-ya dekabrın 15-də verilən xəbərə görə, şagirdlər platforması üzərindən qeydiyyatdan keçərək “Müsabiqə və olimpiadalar” bölməsində müvafiq elektron xidmətdən faydalana bilərlər.
25-30 dekabr tarixlərində olimpiadada iştirak edənlərin imtahan mərkəzləri üzrə yerləşdirilməsi, 5-10 yanvar tarixlərində isə buraxılış vərəqələrinin yüklənməsi prosesi həyata keçiriləcək.
“Qeyd edək ki, IX, X və XI sinif şagirdlərinin iştirak etdiyi bu elm yarışında xüsusi istedada malik olan 8-ci sinif şagirdlərinin iştirakına da icazə verilir.
“Xüsusi istedada malik olan 8-ci sinif şagirdlərinin qeydiyyatı elektron formada deyil, yerli təhsil idarəetmə orqanlarının Təhsil İnstitutuna müvafiq təqdimatı əsasında həyata keçiriləcək. Respublika fənn olimpiadalarının rayon (şəhər) mərhələsinin 2022-ci ilin yanvar ayının ikinci yarısında keçirilməsi planlaşdırılıb”, – deyə xəbəbrdə bildirlir.
