Bayraqdar.info – Hərbi Tibb Fakültəsinin rezidenturasında təhsil alan hərbi həkimlərin növbəti buraxılış mərasimi keçirilib.
Bu barədə bayraqdar.info-ya Müdafiə Naziriyindən xəbər verilib.
Xəbərdə bildirilir ki, əvvəlcə ulu öndər Heydər Əliyevin və Vətənin ərazi bütövlüyü uğrunda canlarını fəda edən şəhidlərin xatirəsi ehtiramla yad edilib. Dövlət Himni səsləndirilib.
“Tədbirdə çıxış edənlər məzunların aparıcı professor müəllimlərindən dərs aldıqlarını, Vətən müharibəsi dövründə hərbi həkimlərlə birlikdə rezidentlərin də cəbhə bölgəsinə ezam olunaraq yaralı hərbi qulluqçulara ilkin tibbi yardım göstərdiklərini qeyd ediblər. COVID-19 pandemiyasına qarşı orduda ciddi mübarizə aparıldığı, bu sahədə kursantlar, rezidentlər və həkimlərin əvəzsiz xidmətləri olduğu xüsusi vurğulanıb.
“Tədbirin sonunda rezidentlərin təhsil müddətində ixtisasları üzrə apardıqları cərrahiyyə əməliyyatları və müalicə zamanı lentə aldıqları çəkilişlərdən ibarət qısametrajlı videoçarx nümayiş etdirilib”, – deyə xəbərdə bildirilir.
