Bayraqdar.info – Ağır yaralanan daha 4 qazi müalicə üçün Türkiyəyə göndərilib.
Bu barədə bayraqdar.info-ya dekabrın 10-da “ASAN xidmət”dən məlumat verilib.
Bildirilib ki, Vətən müharibəsi qaziləri – Aliyev Seymur Cavanşir oğlu, Həşimov Həşim Əzim oğlu, Həziyev Şəmşir Bəxtiyar oğlu və Cəfərli Əli Musa oğlu “YAŞAT” Fondu tərəfindən Türkiyəyə göndərilib.
O da qeyd edilib ki, “YAŞAT” Fondu tərəfindən Türkiyədən ölkəmizə gətirilən, həmçinin yerli həkimlərin rəyi nəzərə alınaraq qazilərin müvafiq müayinə, müalicə və reabilitasiya prosesi Türkiyədə davam etdiriləcək.
“YAŞAT” Fondu qazilərin müalicəsini tam yekunlaşana qədər nəzarətdə saxlayacaq.
Fond tərəfindən həkim rəyi əsasında ağır yaralı olan qazilərin müalicə üçün xaricə davamlı şəkildə göndərilməsi təmin edilir.
Xatırladaq ki, Fond tərəfindən bu günə qədər 154 qazi müalicə üçün Türkiyəyə göndərilib. Onlardan 117-sinin müalicə proseduru artıq uğurla yekunlaşıb və Vətənə qayıdıblar. Qazilərin qarşıdakı aylarda müalicəsi üçün nəzərdə tutulan dərman vasitələri də Fond tərəfindən təmin edilib.
“YAŞAT” Fonduna müraciət etmək və Fondun fəaliyyəti ilə tanış olmaq üçün yashat.gov.az portalı istifadədir.
Fondun hesabatlılığı ilə tanış olmaq üçün keçid: https://yashat.gov.az/report/tableau
