Bayraqdar.info – Kıbrısın rum kəsimində gələn il keçiriləcək prezident seçkiləri öncəsi siyasi gərginlik baş qaldırıb.
KKTC mediasının məlumatına görə, seçkilər ərəfəsində rum tərəfinin rəhbəri Nikos Anastasiadis ilə xarici işlər naziri Nikos Hristodulidis arasında qarşıdurma yaranıb. Məlumatda deyilir ki, rum tərəfində nəşr edilən Kathimerini qəzeti “İki Nikosun münasibətində buludlu hava” başlıqlı xəbərində bu məsələni xüsusi qabardıb.
Xəbərdə rum tərəfindəki hakim DİSİ partiyası daxilində iqtidar oyunlarından bəhs edilir. Bu oyunların ilk işartılarının N.Anastasiadisin ilk vəzifəyə gəldiyi vaxtda müşahidə edildiyi, ikinci başqanlıq zamanında yüksəldiyi, hazırda isə nəzarətdən çıxdığı bildirilir.
Qəzet DİSİ-nin prezident seçkilərində partiyadan namizəd olacaq şəxsin seçilməsi prosedurunu sürətləndirdiyini, lakin bu şəkildə özünü çıxılmaz vəziyyətə salma riskinin olduğunu yazıb. Qeyd edilib ki, DİSİ bu şəkildə davranaraq, müxalifətin işini asanlaşdırıb.
Nazirlər Kabinetindəki görünməmiş fikir ayrılığı ilə bağlı hökumətin necə davranacağına diqqət çəkən qəzet, Kıbrısın Rum Administrasiyasının rəhbəri N.Anastasiadisin DİSİ partiyasının siyasi büro iclasından əvvəl N.Hristodulides ilə görüşdüyünü qeyd edib. O da xatırladılıb ki, N.Hristodulides büro iclasıan qatılmayıb.
Bu görüşdə N.Hristodulidesin N.Anastasiadesə “növbəti hərəkətləri ilə bağlı kartlarını açdığını” yazan qəzet gərginliyin bundan sonra daha da alovlandığını bildirib. Belə ki, məhz bu görüşdən sonra N.Hristodulidesin partiyadaxili parçalanmaya səbəb ola biləcəyini əsas gətirərək, onu vəzifədən çıxarmağa hazır olduğu barədə məlumatı bəzi insanlara sızdırıb.
Xatırladaq ki, N.Hristodulidesin prezident seçkilərində müstəqil namizəd kimi iştiraka hazırlaşdığına dair xəbərlər dolaşır.
