Son yeniləmə: 9 Dekabr 2021 13:41
Bayraqdar.info – Türkiyenin İqlimləndirmə Sənayesinin qlobal iş ortağı İqlimləndirmə Sənayesi İxracatçıları Birliyi (İSİB) maraqlı bir qərar qəbul edib. Belə ki, Bilrik iqlimləndirmə sənayesində çalışan mühəndis və mütəxəssislər üçün mühüm seminarın ilkini Azərbaycanda keçirəcək.
Bu barədə bayraqdar.info-ya Türkiyenin ölkəmizdəki səfriliyindən bildirilib.
Qeyd edilib ki, seminar dekabrın 20-də İSİB idarə heyətinin sədri Mehmet Şanalın iştirakı ilə keçiriləcək. Seminarda Türkiyə Quraşdırma Mühəndisləri Dərnəyi (TTMD) mütəxəssisləri mexaniki sistemlərdən enerji səmərəliliyi, HVAC sistemlərinin istifadə yerlərinə görə dəyişikliklər və seçim müxtəlifliyinə kimi bir çox mövzuda məlumatlar paylaşılacaq.
İSİB İdarə Heyətinin sədri Mehmet Şanal Azərbaycanda keçiriləcək seminarla bağlı açıqlamasında “Türkiyə İqlimləndirmə Sənayesi olaraq Türkiyədə peşəkar intellektuallığı artırmaq üçün həm rəqəmsal, həm də ənənəvi kommunikasiya kanallarında mühüm işlər həyata keçiririk.
Azərbaycanda və xaricdə ilk dəfə keçirəcəyimiz bu mühüm seminarla xaricdəki tərəfdaşlarımızın da dünyadakı iqlimləndirmə trendləri, sistem arxitekturası və yaşıl texnologiyalar başda olmaqla bir çox mövzuda məlumatlandırılmasını təmin edəcəyik.İnanıram ki, Azərbaycandakı tərəfdaşlarımız bu seminardan alacaqları məlumatlar sayəsində üzərində işləyəcəkləri layihələrə yeni baxışlar əlavə edəcək.
Həmçinin qarşıdakı aylarda yaxın coğrafiyalarda oxşar seminarları təkrarlayaraq böyük kütlələrə çıxış əldə edəcəyik. Düşünürük ki, dünyamızın iqlimləndirmə sektoruna dünənkindən daha çox ehtiyacı var”, – deyə bildirib.
Qeyd edək ki, “Yeni bina layihəsinə başlayarkən havalandırma sistemi necə seçilməlidir” adı altında keçiriləcək seminarda müxtəlif mövzularda çıxışlar dinləniləcək.
