Son yeniləmə: 9 Dekabr 2021 15:24
Bayraqdar.info – Misir Ərəb Respublikasında rəsmi səfərdə olan Anar Kərimov ISESCO-nun Baş direktoru Salim bin Məhəmməd əl-Malik, Misirin Ali təhsil və elmi araşdırmalar naziri Xalid Əbdülğaffar və Baş müftisi Şövqi Allam ilə görüşüb.
Məlumat dekabrın 9-da bayraqdar.info-ya Mədəniyyət Nazirliyindən verilib.
“Mədəniyyət nazirinin rəhbərlik etdiyi nümayəndə heyəti səfər çərçivəsində ICESCO-nun Baş Konfransının 14-cü sessiyasında iştirak edir. Nazir, Qarabağ ərazisində yerləşən muzeylərə, tarixi abidələrə qarşı törədilən mənəvi terrordan da söz açaraq, erməni işğalçılarının oğurladığı, talan etdiyi eksponatların acı taleyindən bəhs edib.
“Nazir ICESCO və onun Baş Katibinə bu görülən işlərdə dəstəyinə görə təşəkkürünü bildirib və təşkilatın güclənməsinə, səmərəliliyinin artırılmasına yönələn islahatları alqışlayıb”, – deyə xəbərdə bildirilib.
