Bayraqdar.info – NASA önümüzdəki illər üçün kosmosa göndəriləcək 10 nəfərin seçimini edib. 12 min iddiaçının arasından seçilən 10 nəfərdən biri türk əsilli 36 yaşlı bir xanımdır.
Bu haqda xəbəri dekabrın 6-da NASA media üçün açıqlamasında yayıb.
Xəbərdə seçilmiş namizədlərin 2022-ci ilin yanvarından iki illik təlimlərə başlayacağı bildirilir. Təlimə cəlb edilənlərin bioqrafiyaları da ictimaiyyətə təqdim edilib.
NASA-nın ictimailəşdirdiyi bioqrafiyada türk əsilli xanım haqqında yetərincə bilgi verilib. 36 yaşlı Deniz Burnham adlı xanım hərbçidir, leytenant rütbəli zabitdir. O, dünyaca məşhur ABŞ dəniz pişiklərindən biri kimi xidmət edir.
Qeyd edilir ki, D.Burnham Türkiyənin İncirlik bölgəsində, hərbçi ailəsində anadan olub. Onun ailəsi bu səbəbdən daimi olaraq bir yerdə yaşamayıb. Ona görə də hələ uşaqkən ailəsi birlikdə ABŞ-a gəlib.
D.Burnham həm də təcrübəli pilotdur.
