Bayraqdar.info – Dövlət Sərhəd Xidmətinin rəisi general-polkovnik Elçin Quliyev və qurumun digər vəzifəli şəxsləri DSX-nin hərbi helikopterinin qəzaya uğraması nəticəsində həlak olmuş hərbi qulluqçular polkovnik Füzuli Cavadovun və kapitan Xəyyam Əliyevin məzarlarını ziyarət edib. Onlar qəzada həlak olanların əziz xatirələrini ehtiramla yad edərək məzarları üzərinə gül dəstələri qoyublar.
Bu barədə dekabrın 2-də DSX-dan məlumat verilib.
“Hər iki hərbi qulluqçu ailələrinin arzusu ilə müvafiq olaraq, Bakı şəhərinin Zirə və Əmircan qəsəbələrində dəfn ediliblər. Hərbi qulluqçuların ailələrinə baş çəkilib və başsağlığı verilib”, – deyə xəbərdə bildirilir.
