Bayraqdar.info – Noyabrın 29-da “Distant təhsildə çağırışlar və nailiyyətlər” konfransı öz işinə başlayıb. Konfrans Təhsil İnstitutunun (ARTİ) təşkilatçılığı, ADA Universitetinin və “T-Network” təhsil işçilərinin təcrübə və kommunikasiya platformasının tərəfdaşlığı, Təhsil Nazirliyinin dəstəyi ilə keçirilir.
Xəbər bayraqdar.info-ya Təhsil Nazirliyindən verilib.
Konfransın açılış sessiyası Təhsil Nazirliyinin İctimaiyyətlə əlaqələr sektorunun müdiri Cəsarət Valehovun moderatorluğu ilə baş tutub.
Təhsil naziri Emin Əmrullayev bildiririb ki, distant təhsilin tətbiqi zamanı nəzəriyyədən praktikaya keçid dövründə ortaya müəyyən məsələlər çıxıb. Azərbaycanda bu məsələlərin dərhal həlli, operativ şəkildə distant təhsilə keçidin təşkil edilməsi istiqamətində bir sıra uğurlu işlər görülüb.
O qeyd edib ki, pandemiya zamanı təhsilin keyfiyyətinin qiymətləndirilməsi və keyfiyyətə nəzarət parametlərinin müəyyən olunması, məktəbəqədər yaşlı uşaqların təhsilə cəlb edilməsi və təhsilin təşkili baxımından qarşıda duran hədəflərin reallaşdırılması mühüm əhəmiyyət kəsb edir.
ARTİ-nin direktoru Rüfət Əzizov ənənəvi təhsildən distant təhsilə keçid, müəyyən dövrlədə isə hibrid təhsilin təşkili barədə danışıb.
ADA Universitetinin Akademik işlər üzrə prorektoru Vəfa Kazdal isə çıxışında “4-cü Sənaye İnqilabı dövründə təhsil” modelinin formalaşdığını vurğulayıb.
Nazirlikdən qeyd edilib ki, 350-dən çox iştirakçının qatıldığı konfrans gün ərzində panel müzakirələri ilə davam edib.
