Son yeniləmə: 29 Noyabr 2021 14:29
Bayraqdar.info – “Azərbaycan Xəzər Dəniz Gəmiçiliyi” QSC-nin (ASCO) Təlim Tədris Mərkəzində Fövqəladə Hallar Nazirliyinin Dövlət Yanğın Nəzarəti Xidməti ilə birgə yanğın zamanı işçilərin və dinləyicilərin təxliyəsinə dair təlim keçirilib.
Xəbər bayraqdar.info-ya ASCO-dan daxil olub.
Nəzəri və praktiki hissələrdən ibarət təlimin əsas məqsədi yanğın zamanı işçilərin və dinləyicilərin Təlim Tədris Mərkəzinin binasından təxliyəsi üzrə bacarıqlarını artırmaqdan ibarət olub.
Xəbərdə bildirlir ki, təlimin nəzəri hissəsində yanğın təhlükəsizliyi qaydaları haqqında ətraflı məlumat verilib. Praktiki hissədə isə şərti olaraq baş vermiş yanğının söndürülməsi, təxliyə üzrə məşqlər keçirilib.
Təlim uğurla başa çatdırılıb.
