KKTC-də Qadın Təşkilatları Şəbəkəsi qurulub

Yazar: Nihat Göytürk. Tarix: 26 Noyabr 2021 09:31

Bayraqdar.info – Son vaxtlar Kuzey Kıbrıs Türk Cümhuriyyətində qadınların ictimai-siyasi fəallığının artırılması istiqamətində çeşidli addımlar atılır. Bu günlərdə isə KKTC-də Qadın Təşkilatları Şəbəkəsi qurulub.

Bu barədə bayraqdar.info-ya KKTC Cümhurbaşqanlığından məlumat verilib.

Bildirilib ki, Şəbəkə Cümhurbaşqanı Ersin Tatarın xanımı Sibel Tatarın rəhbərliyi ilə və Cümhurbaşqanlığının himayəsində yaradılıb.

Kuzey Kıbrıs Qadın Təşkilatları Şəbəkəsi 25 noyabr – Qadınlara Qarşı Zorakılıqla Beynəlxalq Mübarizə Günündə KKTC-dəki 42 qadın təşkilatından 40-nın iştirakı ilə təsis edilib.

Bununla bağlı verilən açıqlamada qadınların hüquqlarının qorunması, onların zorakılığıa və şiddətə məruz qalmasına qarşı mübarizə üçün bu Şəbəıkənin qurulduğu bildirilib.

Bölmə: TÜRK DÜNYASI

Nihat Göytürk

1991-ci ildən jurnalistika ilə məşğul olur. Bir sıra qeyri-hökumət təşkilatlarının fəaliyyətində yaxından iştirak edib. 1993-cü ildən etibarən beynəlxalq təşkilatların ölkəmizdə keçirdiyi siyasi partiyalar, QHT sektoru, insan hüquqları, həmçinin jurnalistika ilə bağlı seminar, dəyirmi masa və treninqlərin iştirakçısı olub. Azərbaycanın daxili və xarici siyasəti, beynəlxalq münasibətlər, o cümlədən Türkiyə və Kuzey Kıbrıs Türk Cümhuriyyəti ilə bağlı çoxsaylı yazıların müəllifidir. Azərbaycan və türk dilində yazır və danışır. nihat@bayraqdar.info

Yazarın başqa yazıları: Nihat Göytürk