İstanbul Baş Prokurorunun Bakı səfəri

Yazar: Sevda Əskər. Tarix: 26 Noyabr 2021 19:32

İstanbulun Baş Prokuroru Şaban Yılmaz

Bayraqdar.info – Türkiyə Cümhuriyyətinin İstanbul şəhər Baş Prokuroru Şaban Yılmazın rəhbərlik etdiyi nümayəndə heyəti noyabrın 23-dən Baş Prokuror Kamran Əliyevin dəvəti ilə Bakıda rəsmi səfərdə idi.

Məlumat bayraqdar.info-ya Baş Prokurorluqdan verilib.

Noyabrın 25-də nümayəndə heyəti “Hərbi Qənimətlər Parkı” və İçərişəhərdə yerləşən UNESCO-nun Ümumdünya irs siyahısına daxil edilmiş tarixi-memarlıq abidələri ilə tanış olublar. Daha sonra qonaqlar Heydər Əliyev Mərkəzinə gedərək orada sərgilənən eksponatlara baxıblar.

Noyabrın 26-də Şaban Yılmazın rəhbərlik etdiyi nümayəndə heyətinin ölkəyə rəsmi səfəri başa çatıb. Nümayəndə heyəti Heydər Əliyev adına Beynəlxalq Hava Limanından yola salınıb.

Bölmə: XƏBƏRLƏR

Sevda Əskər

Bu yazarımız 7 may 2022-ci il tarixindən bayraqdar.info-dan ayrılıb. Bayraqdar.info-nun redaktoru Sevda Əskər Şirvan (keçmiş Əli-Bayramlı) şəhərində anadan olub. 1997-ci ildə Azərbaycan Dövlət Pedaqoji Universitetinin Filologiya Fakültəsini bitirib (qiyabi). 1993-cü ildən Neftçala rayonunun Xolqaraqaşlı, 1995-ci ildən isə Kürqarabucaq kənd məktəbində müəllim kimi çalışıb. 1996-cı ildən Bakıda “Kirpi” jurnalı, “Hürriyyət”, “Bu gün”, Şərq”, “Reytinq”, “Vətəndaş Həmrəyliyi”, “Olaylar”, “Assa İrada” İA, “Səs”, “Millətçilik”, “Qazilər”, ATV, Qubada fəaliyyət göstərən “Qafqaz” TV kimi media qurumlarında çalışıb. Yazıları Moskvada “Millətin səsi” qəzetində, Türkiyənin “Ocaq” və “CanAz” saytlarında dərc edilib. Eyni zamanda bir neçə QHT-də ekspert kimi çalışıb. 2011-ci ildə hazırladığı “İçərişəhərin əkiz tayı Lahıc” yazısı Prezident Kitabxanasında saxlanılır. Bu illər ərzində bir sıra beynəlxalq və yerli təşkilatdan mükafatlar alıb. JuHİ və CASCFEN-in üzvüdür. İngilis dili və psixologiya kurslarını bitirib. sevda@bayraqdar.info

Yazarın başqa yazıları: Sevda Əskər

Bölmənin başqa yazıları: XƏBƏRLƏRXƏBƏRLƏR bölməsinin başqa yazıları »