Bayraqdar.info – Müdafiə Nazirliyinin təşkilatçılığı ilə Kəlbəcər rayonuna media nümayəndələri üçün media-tur təşkil olunub.
Müdafiə Nazirliyindən bayraqdar.info-ya verilən xəbərdə bildirilir ki, bu ərazilərdə dislokasiya olunan hərbi hissələrdə xidmət edən hərbi qulluqçulardan müsahibələr götürülüb. Müsahibələr zamanı hərbi qulluqçular Vətən müharibəsində göstərdikləri qəhrəmanlıqlardan, döyüşlərdəki xatirələrindən danışıblar.
Media nümayəndələri Kəlbəcər rayonu ərazisində yerləşən döyüş mövqelərində xidmət edən şəxsi heyətin sosial-məişət və xidmət şəraiti ilə tanış olublar. Hərbi qulluqçular onlar üçün yaradılan şəraitdən məmnunluqlarını ifadə ediblər.
