Son yeniləmə: 23 Noyabr 2021
Bayraqdar.info – Kuzey Kıbrıs Türk Cümhuriyyətinin Cümhurbaşqanı Ersin Tatar İspartadan olan Kıbrıs qazilərini qəbul edib.
KKTC Cümhurbaşqanlığından bayraqdar.info-ya verilən məlumata görə, E.Tatar 20 iyul 1974-cü ildə Kıbrıs Barış Hərəkatına qoşulan və 47 il əvvəl tərəddüd etmədən Kıbrıs türk xalqının köməyinə gələn qəhrəman qazilərlə görüşməkdən xoşbəxt olduğunu bildirib.
Qazilərin hər zaman baş tacı olduğunu ifadə edən E.Tatar həmin illər Kıbrısda böyük mübarizə aparıldığını və türk əsgərlərinin adaya enməsi ilə Kıbrısda yeni bir dövrün başladığını deyib.
“Kıbrıs dövlət olmaq fəzilətinə nail olub. Türkiyə Cümhuriyyəti hər zaman bizimlədir. Yeni bir dövlət qurmağın ən böyük şərəfi bir xalqın özünüidarə haqqına sahib olmasıdır. Biz KKTC-də özümüz özümüzü idarə edirik və Ana Vətən Türkiyə ilə eyni milli düşüncə ilə eyni yoldayıq. Siz 1974-cü ildə canınız bahasına köməyimizə gəldiniz. Bu bizim qurtuluşumuz idi və bu, KKTC-nin qurulması üçün atılan ən böyük addımlardan biri idi. KKTC Prezidenti olaraq şəhidlərimizə Allahdan rəhmət diləyir, siz qəhrəman qazilərimizə təşəkkürümü bildirirəm” ? – deyərək qazilərə ziyarətlərinə görə təşəkkür edib.
