Son yeniləmə: 23 Noyabr 2021 20:08
Bayraqdar.info – Qeyri-Hökumət Təşkilatlarına Dövlət Dəstəyi Agentliyinin yeni təyin olunmuş icraçı direktoru Aygün Əliyeva kollektivə təqdim edilib.
Agentlikdən bayraqdar.info-ya noyabrın 23-də verilən məlumata görə, təqdimat Prezident Administrasiyasının məsul əməkdaşı, Agentliyin Müşahidə Şurasının sədr müavini Vüsal Quliyev tərəfindən həyata keçirilib.
A.Əliyeva ona göstərilən yüksək etimada görə təşəkkürünü bildirərək ölkədə vətəndaş cəmiyyətinin inkişafı sahəsində qarşıya qoyulan hədəflərin layiqincə yerinə yetirilməsi üçün əlindən gələni əsirgəməyəcəyini qeyd edib.
Qeyd edək ki, noyabrın 23-də Müşahidə Şurasının qərarı ilə A.Əliyeva Agentliyin icraçı direktoru vəzifəsinə təyin olunub.
