Bayraqdar.info – Cari həftə ərzində “Aqrolizinq” ASC tərəfindən mineral gübrələrin güzəştli şərtlərlə növbəti səyyar satışı 12 rayon üzrə 14 kənddə həyata keçiriləcək. 26-29 noyabr tarixində baş tutacaq səyyar satış Şəmkir, Ağstafa, Tovuz, Qazax, Samux, Saatlı, Füzuli, Neftçala, Salyan, Şabran, Quba və Qusar rayonlarını əhatə edəcək.
Bu barədə məlumat bayraqdar.info-ya Kənd Təsərrüfatı Nazirliyindən verilib.
Məlumatda deyilir ki, səyyar satışlar noyabrın 26-da Şəmkirin Düyərli, Saatlının Varxankənd və Şabranın Sincanboyad kəndlərində, noyabrın 27-də Ağstafanın Aşağı Göyçəli, Füzulinin Qayıdış və Şabranın Pirhəsən kəndlərində keçiriləcək. Noyabrın 28-də Tovuzun Əsirlik, Neftçalanın Xolqarabucaq və Qubanın Hacıhüseynli kəndlərində, noyabrın 29-da Qazaxın Daş Salahlı, Salyanın Noxudlu və Qubanın Birinci Nügədi kəndlərində, noyabrın 30-da isə Samuxun Lək və Qusarın Urva kəndlərində baş tutacaq.
Həmçinin, ətraf kəndlərin sakinləri tələb olunan sənədləri – torpaq aktı və ya çıxarış, icra nümayəndəsindən ərizə-məlumat formasını və şəxsiyyət vəsiqəsinin surətini təqdim etməklə 70 faiz güzəştdən yararlanaraq mineral gübrə ala bilərlər.
Səyyar satış xidmətlərinin təşkil ediləcəyi yerlər barəsində məlumat almaq üçün 1652 Çağrı Mərkəzi və (+99451) 255-93-83, (+99451) 229-32-07 əlaqə nömrələrinə müraciət etmək lazımdır.
Nazirlik qeyd edir ki, sentyabr ayından etibarən “Aqrolizinq” ASC tərəfindən rayon mərkəzindən uzaq məsafədə yerləşən kəndlərdə mövsümi mineral gübrələrin güzəştli şərtlərlə səyyar satışına başlanılıb.
