Bayraqdar.info – Ferhat Atikin rejissorluğu ilə çəkilmiş “Göç psixologiyası” sənədli filmi bir-birinin ardınca mükafatlar alır. Bu günə kimi çoxsaylı beynəlxalq mükafatlar qazanaraq, KKTC-yə əlidolu dünən sənədli film bu dəfə də Nyu Yorkda uğur əldə edib.
Bu barədə bayraqdar.info-ya noyabrın 18-də Kuzey Kıbrıs Türk Cümhuriyyətinin Bakıdakı nümayəndəliyindən məlumat verilib.
Bildirilib ki, Nyu-Yorkda keçirilən və Amerikanın önəmli festivallarından olan Retro Avanqard Film Festivalında “Göç psixologiyası” “Şərəf Mükafatı”nı qazanıb. Bununla da “Göç psixologiyası”nın qazandığı mükafatların sayı 19-a çatıb.
Xatırladılır ki, immiqrant və immiqrasiya psixologiyasından bəhs edən “Göç psixologiyası” bir müddət əvvəl İstanbul Film Mükafatları (IFA) tərəfindən verilən “Qızıl Ulduz” mükafatını da qazanmışdı.
5 dəfə Nobel mükafatına namizədliyi irəli sürülən, Sigorney mükafatına layiq görülən bu sənədli film siyasi psixologiyanın dahisi sayılan dünya şöhrətli Kıbrıslı türk professoru Doktor Vamık C.Volkanın immiqrant və immiqrasiya ilə bağlı 70 illik peşəkar təcrübəsini özündə əks etdirir.
