Bayraqdar.info – “Belə bir kəlam var. Deyir nəsihətlə yola gəlməyəni kötəklə yola gətirmək lazımdı. Biz bunu Ermənistanın son davranışları fonunda yenidən xatırlatmağı borc bilirik”.
Bunu bayraqdar.info-ya özəl açıqlamasında Türkiyənin Azərbaycandakı keçmiş hərbi attaşesi, ehtiyatda olan general Yücel Karauz deyib.
Ermənistanın sərhəddəki son təxribatlarını dəyərləndirən general bildirib ki, ötən il 44 günlük müharibədən sonra ağıllanmayan Ermənistan bu günlərdə növbəti təxribata cəhd edərək yenidən kötəklənməyə haqq etdiyini ortaya qoydu: “Bu dəfə də şanlı Azərbaycan Ordusunun layiqli cavabı ilə geri oturdulan düşmən xeyli sayda canlı qüvvəsini və texnikasını itirib. Düzdür, Ermənistan bu dəfə də ötən ilki hiyləgərliyinə baş vurub. Bəlli olduğu kimi Ermənistan təxribat fəaliyyətlərini həyata keçirərkən dezinformasiya yayaraq, Rusiyanı, KTMT-ni, ATƏT-in Minsk Qrupunun həmsədrlərini köməyə çağırır, guya təxribatların Azərbaycan tərəfindən törədildiyini iddia edir. Ancaq belə fəndlər artıq köhnəlib və dünyada Ermənistanın yalanşı hay-küyünə inanmırlar”.
Müsahibimiz vurğulayıb ki, Ermənistanın əsassız çığır-bağır salmasına baxmayaraq dünya əsl reallıqdan xəbərdardır: “Eyni zamanda Azərbaycan öz milli təhlükəsizlik maraqlarının qorunması istiqamətində beynəlxalq hüquqa uyğun şəkildə hərbi, siyasi və digər fəaliyyətləri həyata keçirir. Bu fəaliyyətlər bundan sonra da eyni şəkildə davam etməlidir və edəcək. Əgər Ermənistan yenə ağıllanmayıb, belə təxribat və terror fəaliyyətlərinə davam edərsə, İkinci Qarabağ müharibəsindən daha ağır məğlubiyyətə hazır olmalıdır. Yəni, nəsihətlə ağıllanmayan “Dəmir yumuruq”la yola gətirilməlidr”.
Yücel Karauz onu da bildirib ki, Ermənistandakı revanişist qüvvələr, o cümlədən bu ölkəni hazırda idarə edən rejim yaxşı-yaxşı düşünməlidirlər: “Onlar düşünməlidirlər ki, Azərbaycana qarşı nəinki genişmiqyaslı, heç lokal şəkildə döyüşmək gücündə olan orduları yoxdur. 44 günlük müharibə zamanı Ermənistan ordusunun 60 faizi məhv edilib. Elə son iki gündə baş verənlər də Ermıənistan silahlı qüvvələrinin necə bir acınacaqlı durumda olduğunu göstərdi”.
Türkiyəli general qeyd edib ki, Ermənistanın son addımlarının həm də onların acı məğlubiyyəti hələ də həzm edə bilməmələri ilə bağlıdır: “30 ilə yaxın müddətdə işğalda saxladıqları Azərbaycan torpaqları rəşadətli Azərbaycan ordusu tərəfindən cəmi 44 gün ərzində azad edildi. Bu isə Ermənistanda nəinki hərbi, həm də siyasi və mənəvi çöküntü yaratdı. Onlar artıq uzun illər “sarsılmaz Ermənistan ordusu”, “məğlubedilməz Ermənistan” kimi boş şüarlarla sadəcə özlərini aldatdılqarının fərqindədirlər. Beləliklə, istər Xocalıda əli günahsız azərbaycanlıların qanına batan Serj Sarkisyan, Robert Köçəryan kimi qatillərin rəhbərlik etdiyi revanişist qüvvələr, istərsə də Paşinyan rejimi bu cür həmlələrlə nəyisə dəyişəcəklərinə ümid edirlər. Lakin bütün bunlar əbəsdir.Ermənistanın hazırda bircə çıxış yolu var. Bu da Azərbaycanın və Türkiyənin uzatdığı sülh əlini qəbul etmək”.
Müsahibimiz bildirib ki, Azərbaycan Prezidenti İlham Əliyev dəfələrlə lazımi addımlar atılacağı təqdirdə Ermənistanla sülh müqaviləsini müzakirə etməyə və imzalamağa hazır olduğunu bildirib: “Ancaq təəssüflər oslun ki, Ermınistanın bu təkliflərə reaksiyası müsbət deyil. Daha doğrusu Ermənistan rejimi bu təklifləri qəbul edib, onsuz da ölüm ayağında olan dövlətini xilas etməkdənsə, yenə müaribəyə cəhd edir. Bu isə Ermənistan dövləti üçün intihara bərabər addımdır. Dediyim kimi son davranışlar Ermənistanın ağıllanmadığını göstərir. Təbii ki, bu cür davam edərsı Erməınistan yenidən Azərbaycanın “Dəmir yumruğu”nu başı üzərində görəcək. Onda isə artıq Ermənistan üçün hər şey gec olacaq”.
