Bayraqdar.info – Payız-qış mövsümü ilə əlaqədar noyabrın 1-dən respublikanın dağ və dağətəyi ərazilərində, 15-dən isə digər bölgələrdə yerləşən ümumi təhsil müəssisələrinin istiliklə təmin olunması prosesinə başlanılıb.
Bu məlumat noyabrın 16-da bayraqdar.info-ya Təhsil Nazirliyindən daxil olub.
Məlumatda deyilir ki, ölkə ərazisində ümumtəhsil məktəblərinin istiliklə təminatında yarana biləcək məsələlərin araşdırılması və həlli üçün Təhsil Nazirliyində operativ informasiya qrupu yaradılıb. Bu qrup məktəblərin istiliklə təchizatında qeydə alınan məsələlərlə məşğul olacaq.
Nazirliyin 146-1 və Bakı şəhəri üzrə Təhsil İdarəsinin 146-0 Çağrı Mərkəzləri ilə əlaqə yaratmaqla və yaxud qurumun rəsmi Whatsapp xidmətinə (051 206 78 48) yazmaqla operativ qruplara müraciətləri yönləndirmək mümkündür.
Nairliyin məlumatında qeyd edilir ki, ölkə ərazisində fəaliyyət göstərən ümumi təhsil müəssisələrinin 62 faizində istilik mərkəzləşdirilmiş qaydada, digər hissəsində isə müxtəlif vasitələrlə(odun, dizel, elektrik radiatoru) təmin olunur.
