Son yeniləmə: 11 Noyabr 2021
Bayraqdar.info – Kuzey Kıbrıs Türk Cümhuriyyətinin Baş naziri Faiz Sucuoğlu Qurucu Cümhurbaşqanı Rauf Raif Denktaşın Anıt Məzarını ziyarət edib.
Bu barədə KKTC-nin Baş bakanlığından məlumat verilib.
Bildirilib ki, ziyarətdə məqsəd Anıt Məzarda gedən işlərlə tanş olmaq olub. Qeyd edək ki, baş nazirlə yanaşı Qurucu Cümhurbaşqanının oğlu, DP millət vəkili Serdar Denktaş, nəvəsi Rauf Denktaş, həmçinin nazirlər və bəzi millət vəkilləri də ziyarətdə iştirak edib.
Ziyarət zamanı F.Sucuoğlu məzarın tikintisi ilə bağlı işlərin gedişinə dair məlumat alıb. Eyni zamanda F.Sucuoğıu və S.Denktaş Qurucu Cümhurbaşqanının məzarı başında dua oxuyublar.
Bu arada bəlli olub ki, bu ziyarət Denktaş ailəsi tərəfindən məmuniyyətlə qarşılanıb. Bu barədə kibrispostasi.com saytı məlumat yayıb.
Belə ki, günlərdir dövlətin Rauf Denktaşın Anıt Məzarına münasibətini tənqid edən R.Denktaşın qızı Ender Denktaş Vangöl sosial mediada F.Sucuoğluna təşəkkür edib.
Ender Denktaş Vangöl, “Yeni vəzifənizin ailəmizin razılığı ilə ölkə və millət, bizim üçün bir ümid işığı olacağına əmin olaraq sizə bir daha uğurlar arzulayıram” , – deyə yazıb.
