Bayraqdar.info – Aparılan sosial-iqtisadi islahatların müsbət nəticələri Əmək və Əhalinin Sosial Müdafiəsi Nazirliyinin tabeliyindəki Dövlət Sosial Müdafiə Fondunun (DSMF) gəlirlərində davamlı artım tempinə imkan verib. Belə ki, 2021-ci ilin yanvar-oktyabr aylarında da DSMF-nin gəlirləri ötən ilin müvafiq dövrünə nisbətən 9,5 fazi və ya 380 milyon manat artaraq 4 372 milyon manat təşkil edib.
Bu barədə bayraqdar.info-ya noyabrın 12-də ƏƏSMN-dən məlumat verilib.
Məlumata əsasən, bu dövrdə Fondun xərcləri 4 054 milyon manat olub. Bu da ötən ilin müvafiq dövrünə nisbətən 3,7 faiz və ya 146 milyon manat çoxdur. Həmin xərclərin 97 faizini əhaliyə ödənişlər təşkil edib.
