Bayraqdar.info – 2021-cu ilin yanvar-oktyabr aylarında Əmək və Əhalinin Sosial Müdafiəsi Nazirliyinin tabeliyindəki Dövlət Məşğulluq Agentliyi tərəfindən 68,5 min işsiz və işaxtaran şəxs işlə təmin olunub.
Bu barədə bayraqdar.info-ya noyabrın 12-də ƏƏSMN-dən məlumat verilib.
Bildirilib ki, özünüməşğulluq proqramının bu il 16 min şəxsi əhatə etməsi nəzərdə tutulub. Artıq cari ilin 10 ayında onlardan artıq 12625-i proqrama cəlb edilib.
Digər məşğulluq xidmətlərində olduğu kimi, özünüməşğulluq proqramının icrasının da rəqəmsal platforması yaradılıb. Proqrama müraciət edənlərin elektron reyestri, qiymətləndirmə əsasında növbəlilik prinsipi tətbiq edilib. Həmçinin proqrama aid e-platforma yaradılaraq, aktiv alanların sənədləri və aktivlərin verilməsi prosesinə aid foto, video çəkilişlər ictimaiyyətə açıqlanır.
