Son yeniləmə: 10 Noyabr 2021 09:59
Bayraqdar.info- “Noyabrın 9-u Ermənistan silahlı qüvvələrinin bölmələri Basarkeçər rayonunun Yuxarı Şorca yaşayış məntəqəsində yerləşən mövqelərindən Azərbaycan Ordusunun Kəlbəcər rayonu Yellicə yaşayış məntəqəsi istiqamətindəki mövqelərinə yol çəkən mühəndis texnikalarını atıcı silahlardan atəşə tutub.”
Bu barədə noyabrın 10-da bayraqdar.info-ya Müdafiə Nazirliyindən xəbər verilib.
Xəbərdə bildirilir ki, Azərbaycan bölmələri tərəfindən dərhal adekvat cavab tədbirləri görülüb. Azərbaycan Ordusunun şəxsi heyəti arasında itki yoxdur.
Əməliyyat şəraiti Azərbaycan ordusunun nəzarəti altındadır.
