Son yeniləmə: 7 Noyabr 2021 17:06
Bayraqdar.info – Diasporla İş üzrə Dövlət Komitəsində 8 Noyabr – Zəfər Gününə həsr olunmuş videoçarxların təqdimatı keçirilib. Tədbirdə Diasporla İş üzrə Dövlət Komitəsinin və Azərbaycan Diasporuna Dəstək Fondunun maliyyə dəstəyi ilə hazırlanmış videoçarxlar nümayiş olunub.
Bu barədə bayraqdar.info-ya noyabrın 7-də Diasporla İş üzrə Dövlət Komitəsindən məlumat verilib.
Bildirilib ki, “videoçarxlarda müstəqillik tariximizin bəzi səhifələri, 44 günlük Vətən müharibəsi dövründə Müzəffər Ali Baş Komandan, Prezident İlham Əliyevin zəfər mesajları, azərbaycanlı gənclərin vətən sevgisi, Azərbaycanla bağlı həqiqətlərin xarici mediada işıqlandırılması və digər məqamlar yer alıb, torpaqlarımızın azadlığı uğrunda canını fəda edən şəhidlərimizin əziz xatirəsi yad olunub.
Xalq artisti Fəxrəddin Manafovun, Vətən müharibəsi qazilərinin və Azərbaycanın diasporunun Qarabağla bağlı keçirdiyi aksiyalardan fraqmentlərin yer aldığı videoçarxlar bu gündən başlayaraq Dövlət Komitəsinin və Azərbaycan Diasporuna Dəstək Fondunun sosial şəbəkə hesablarında, eləcə də mediada yayımlanır”.
Qeyd edək ki, videoçarxları aşağıdakı linklər vasitəsilə izləmək mümkündür:
Tarix lövhəsini silib yenidən yazan qəhrəmanlarımızın xatirəsinə ithaf
30 il şikəst qalmış “Qarabağ şikəstəsi” Qarabağda dirçəldi…
Xalqa verilən söz həqiqətə çevrildi
Birliyimiz – həmrəyliyimizdir!
https://www.youtube.com/watch?v=Nuv6U7F2S3Y
