Son yeniləmə: 3 Noyabr 2021 11:26
Bayraqdar.info – Vəfa Aktuz Gəncədə anadan olub. 3 yaşında Moskva şəhərində üzləşdiyi faciə nəticəsində hər iki ayağını itirib.
Bu barədə bayraqdar.info-ya noyabrın 2-də Diasporla İş üzrə Dövlət Komitəsindən məlumat verilib.
Bildirilib ki, Vəfa Aktuz Azərbaycan Müəllimlər İnstitutunu bakalavr, Sakarya Universitetini magistratura pilləsi üzrə bitirib. Hava limanında çalışan Mehmet Aktuzla elə hava limanında tanış olub və ailə qurub. Bu izdivacdan iki qız övladı dünyaya gəlib.
Türkiyədəki Azərbaycan diasporunun nümayəndəsi olan Vəfa Aktuz hazırda qardaş ölkədə yaşayan azərbaycanlı qadınlara və müalicə alan Vətən müharibəsi qazilərinə mənəvi-psixoloji dəstək göstərməklə məşğuldur. Onun maraqlı həyat hekayəsini “Diaspor TV”-nin hazırladığı süjetdən izləyə bilərsiniz:
