Bayraqdar.info – Türk Universitetlər Birliyi oktyabrın 26-da özünün 5-ci toplantısını keçirəcək. Bu haqda xəbəri Türk Keneşi yayıb.
Xəbərdə deyilir ki, toplantı hazırda Birliyə rəhbərlik edən Qazax-Türk Uluslararası Əhməd Yəsəvi Universitetində – Türküstanda keçiriləcək.
Toplantıya Azərbaycan, Qazaxıstan, Qırğızıstan, Türkiyə, Özbəkistan və Macarıstandan Birliyin üzvü olan 23 universitetin rektorları, rektor yardımçıları, tələbə şurası təmsilçiləri və Türk Keneşi katibliyi yetkililəri qatılacaq.
O da xəbər verilir ki, dönəm başqanı olan universitetin təmsilçiləri digər qatılımçılarla birlikdə 2021-2023-cü illər üçün “Yol xəritəsi”ni gözdən keçirəcək. Eyni zamanda “Orhun Değişim Programı” ilə bağlı son gəlişmələr, yeni üzvlük müraciətləri də diqqət mərkəzində olacaq. 4 noyabr 2021-də İstanbulda gerçəkləşdiriləcək Türk Keneşi təhsil nazirləri 6-cı toplantısının gündəm məsələləri, Türk Universitetlər Birliyi 2-ci İdman oyunları və Türk Dünyası Kültür və Sənət Festivalı mövzuları üzərində müzakirələrin aparılması da nəzərdə tutulur.
Toplantının 26 oktyabrda yerli vaxtla saat 14.00-da başlayacağı bildirilir. Açılış toplantısı media üçün də açıqdır.
