Bayraqdar.info – “Şəxsi nəqliyyat vasitələrinin müxtəlif hissələrinə – şüşələrinə, kuzaya bayraq vurula bilməz. Bayraq müqəddəsdir, bayraq ucalıqdır. Onu qorumaq, onu uca tutmaq hər birimizin müqəddəs vəzifəsidir, borcudur.
“Nəqliyyat vasitələrində vurulan bayraq pərdə, günlük kimi istifadə olunmamalıdır. O, bayraqlar yağışın, küləyin təsirinə məruz qalır. Bunu nəzərə alaraq, yol polisi tərəfindən bu istiqamətdə profilaktik tədbirlər görülür.”
Bayraqdar.info xəbər verir ki, bu sözləri Daxili İşlər Nazirliyinin Mətbuat xidmətinin rəhbəri,polis mayoru Elşad Hacıyev özünün sosial şəbəkələrdəki səhifəsində yazıb.
O bildirir ki, Azərbaycan Respublikası Dövlət Bayrağının istifadəsi qaydaları haqqında Qanuna görə Dövlət Bayrağının yerləşdirilməli olduğu yerlər sırasında şəxsi nəqliyyat vasitələrinin şüşə və kuzalarına bayraq vurulması ilə bağlı qeyd yoxdur.
“Nəqliyyat vasitələrinin sürücüləri və sahibləri bu halları vaxtında aradan qaldırılmalıdır ki yollarda narahatlıq yaranmasın”, – deyə E.Hacıyev bildirir.
