Son yeniləmə: 3 Noyabr 2021 18:06
Bayraqdar.info – Prezident İlham Əliyev və birinci xanım Mehriban Əliyeva oktyabrın 25-də Qubadlı rayonunda səfərdə olublar.
Bu barədə bayraqdar.info Prezidentin Mətbuat xidmətinə istinadla bildirir.
Məlumatda qeyd edilir ki, dövlət başçısı və birinci xanım Xudafərin-Qubadlı-Laçın avtomobil yolunun 10-cu kilometrliyindən Qubadlı şəhər mərkəzinə gedən Xanlıq-Qubadlı yolunun təməlqoyma mərasimində iştirak ediblər.
“Daha sonra onlar “Azərenerji” ASC-nin sistem əhəmiyyətli 110/35/10 kV-luq “Qubadlı” yarımstansiyasının və Dövlət Sərhəd Xidmətinin yeni hərbi hissə kompleksinin açılışlarını da həyata keçiriblər.
“Sonra Prezident və birinci xanım Qubadlı rayon ictimaiyyətinin nümayəndələri ilə görüşüblər”, – deyə məlumatda bildirilir.
Həmçinin, oktyabrın 25-də Respublikanın Birinci vitse-prezidenti Mehriban Əliyeva rəsmi instaqram səhifəsində Qubadlı rayonundan fotolar paylaşıb.
Paylaşımda deyilir: “Allah Azərbaycan hərbçilərini qorusun!”.
