Bayraqdar.info – Masallı rayonunun Binə Xocavar kəndi ərazisində ağacların qanunsuz kəsilməsi ilə bağlı ETSN-in məlumatı əsasında Baş Prokurorluğun Cinayət təqibindən kənar icraatlar idarəsində araşdırma aparılıb.
Məlumat bayraqdar.info-ya oktyabrın 18-də Baş Prokurorluqdan daxil olub.
“Aparılmış araşdırmalarla müəyyən edilib ki, Lənkəran rayonu Günəhir kənd sakini Rüfət Səfərovun idarə etdiyi “Qazel” markalı yük avtomobilində meşə məhsullarının buraxılış orderi –meşə bileti olmadan qanunsuz kəsilmiş ağaclar aşkar edilib. Nəticədə dövlətin qanunla qorunan mənafelərinə ümumilikdə 1.275 manat məbləğində ziyan vurulub.
“Faktla bağlı Baş Prokurorluq tərəfindən Cinayət Məcəlləsinin 259.1-ci (meşələrdə və ya xüsusi mühafizə olunan təbiət ərazilərində ağacların, kolların və ya digər yaşıllıqların, eləcə də meşə fonduna daxil olmayan ağacların, kolların və ya digər yaşıllıqların qanunsuz kəsilməsi (götürülməsi) xeyli miqdarda ziyan vurduqda) maddəsi ilə cinayət işi başlanıb. İbtidai istintaqın aparılması Masallı rayon polis şöbəsinə həvalə edilib. Hazırda iş üzrə istintaq davam etdirilir.” Məlumatda belə deyilir.
